##about.aboutContext##

Վերլուծական տեղեկագիրը տարեկան երկու անգամ հրատարակվող ակադեմիական ամսագիր է, որի հետաքրքրության շրջանակն է Կովկասը և Միջին/Մերձավոր Արևելքը։ Այն քննադատական կերպով վերլուծում է այս տարածաշրջաններում սոցիալ-մշակութային, կրոնական և քաղաքական զարգացումները և հեռանկարները։ Վերլուծական տեղեկագիրը հրատարակվում է Երևանի պետական համալսարանում 2007թ․ հիմնադրված Քաղաքակրթական և մշակութային հետազոտությունների կենտրոնի կողմից, որը 2021թ․ վերակազմավորվել է որպես հիմնադրամ։ Վերակազմավորման հետևանքով Ամսագրի հրատարակման պարբերականության մեջ առկա է ընդմիջում։ Ավարտելով վերակազմավորման գործընթացը՝ ՔՄՀԿ-ն 2022թ․ ընթացքում տպագրեց Վերլուծական տեղեկագիրի ևս երկու համար։

Վերլուծական տեղեկագիրը ձգտում է խթանել Կովկասի և Մերձավոր Արևելքի պատմական և ժամանակակից հարցերի և խնդիրների շուրջ սոցիալ և քաղաքական բանավեճը․ ամսագրում հրապարակված տեսակետների բազմազանությունը վկայում է այս տարածաշրջանների բազմաշերտ և բազմակողմանի ընկալումներիի մասին, և հետևաբար  ամսագիրը ողջունում է հոդվածներ տարբեր գիտակարգերից։ 

Վերլուծական տեղեկագիրը միջդիսցիպլինար/միջգիտակարգային ամսագիր է, որը հրատարակում է աշխարհի տարբեր երկրների գիտնականների բնօրինակ հետազոտություններ, գրքերի ակնարկներ/գրախոսականներ և հոդվածների գրախոսականներ պատմության, քաղաքականության, սոցիոլոգիայի, ինչպես նաև գրականության և ինտելեկտուալ պատմության ոլորտներում: Մենք նաև հետաքրքրված ենք ակադեմիական ամսագրերի ավանդական ուղեծրից դուրս աշխատանքներով և պատրաստ ենք ամսագրում հրատարակել նաև փաստաթղթեր, հարցազրույցներ և ականատեսների վկայություններ։ Վերլուծական տեղեկագիրն ընդունում է բազմակողմ վերլուծություններ, որոնք կապում են տարածաշրջանները աշխարհակարգի և գլոբալացման ավելի լայն խնդիրների հետ:

Խնդրում ենք հաշվի առնել, որ ամսագիրը հրատարակում է աշխատանքներ անգլերեն, հայերեն և ռուսերեն լեզուներով։
Վերլուծական տեղեկագիրը CrossRef-ի անդամ է և տրամադրում է DOI-ներ (Digital Object Identifiers) առավել հուսալի և հեշտ մեջբերումներ իրականացնելու համար: Համաշխարհային գիտելիքի փոխանակմանն աջակցելու համար Վերլուծական տեղեկագրի բովանդակությունը ազատ մուտքի հասանելիություն ունի: